जय लहुजी सामाजिक संस्थेचे कु.योगेश अभंग शिंदे व समाजसेवक श्री.महेश ठाकूर यांच्या कडून गोरगरिबांना चादर वाटप
नवी मुबंई :- इतरांना काही देण्यासाठी आधी मन मोठं असावं लागतं, सहृदय असावं लागतं. समोरच्याने स्वत:ची गरज बोलून न दाखवताही ती लक्षात येण्यासाठी संवेदनशीलता सजग असायला हवी. गरजूला मदतीचा हात देऊन त्याला उभारी देण्यात, त्याच्या आयुष्यात आनंद फुलवण्यात जे समाधान मिळतं, त्याची तुलना कशाशी होऊ शकत नाही.
जय लहुजी सामाजिक संस्थेचे कु. योगेश शिंदे साहेब व समाजसेवक श्री.महेश ठाकूर साहेब यांच्या वतीने ठाणे परिसरात थंडीत कुडकुडणाऱ्या गरजू लोकांना चादरीचे वाटप करण्यात आले. या प्रसंगी श्री.शनी डिसोझा( उर्फ मामा), श्री.लॅन्सी ब्रिट्टो, श्री.दिलीप शिंदे,आदी मान्यवर उपस्थित होते.
जय लहुजी सामाजिक संस्था ही सामाजिक कार्यात अग्रेसर आहे. या आधीही या संस्थेने अनेक सामाजिक कामात आपला सहभाग नोंदवला आहे. वातावरणात थंडी जाणवू लागली आहे. समाजातील अनेकांना थंडीपासून रक्षण करण्यासाठी पुरेसे पांघरुण नसते. ही गोष्ट लक्षात घेत येथील सामाजिक कार्यकर्ते कु.योगेश शिंदे साहेब व श्री.महेश ठाकूर साहेब यांनी चादरी खरेदी करून गरजूंना चादरी भेट दिल्या. या पुढे ही असे सामाजिक उपक्रम घेण्यात येतील असे प्रतिपादन श्री.योगेश शिंदे यांनी केले.
No comments:
Post a Comment